العشرية السوداء القصة كاملة

Comments · 3K

• TH

  @theboss6866 · 6 months ago

  للأسف التاريخ مزور و الحقيقة مرة لا الحكومة كانت نظيفة و لا الجبهة الإسلامية كانت على حق

  472

• KO

  @kol.pi9 · 6 months ago

  شكون راهو يتفرج فيديو بعد ما مات اليمين زروال ربي يرحمو😢🫡🫡

  431

• AM

  @aminabenamara7686 · 6 months ago

  البارح نتفرج فالفيديو و اليوم يموت واحد من زعماء الجزائر اليامين زروال..رحمه الله و أسكنه فسيج جنانه...رحم الله شهداء الجزاير و مجاهديها.

  128

• DZ

  @dzkoulech · 6 months ago

  غضتني كي ما قدرتش تهدر بزاف حقائق... عند الحق تخاف على روحك شريكي

  342

• AM

  @amvs5514 · 6 months ago

  عجبتني الخلفية تاع البيسي تاع تتويج السنغال بكاس افريقيا 😂 شيكور

  808

• HA

  @hamzadjellal · 6 months ago (edited)

  حبيت ندير بعض التوضيحات خاطر كاين مصاغر ما حضروش لهذه المرحلة باش ما نغلطوهمش <br>نهار مات هواري بومدين الجينيرالات هوما لي ولاو حاكمين الجزائر و حطو شادلي بن جديد شباح هوما كانو ياخذو القرارات في الكواليس و كيما قلت البترول رخيس و تسيير كارثي طحنا زقو الجزائريين ولاو يديرو لاشان في سوق الفلاح يعني كل يوم باش تشري كيلو لوبيا برك دير لاشان ساعة ولا زوج و يعطيك غير كيلو بلحساب ماشي كيما دوك كلش كاين فلحوانت و لهذا طرطڨ الشعب و صرى 5 أكتوبر الشعب خرج يكسر <br>و في مظاهرات 5 اكتوبر خالد نزار أحد الجنرالات أمر بإطلق النار على المتظاهرين و قتلوهم، نهار دارو حوار مع نزار قاللهم لم نكن نملك الرصاص المطاطي و كريموجان باش نهربو المتاضاهرين علابيها تيرينا عليهم قتلو 400 <br>ثم دارو الأحزاب و جاء الفيس و ناس بدات تبعهم و كيما قلت كي شموها قارصة و الدولة بداو يتلاعبو بالقوانين باش ما يخلوهمش يلحقو الفيس بداو يقولو اذا ما لحقناش للكرسي بالإنتخابات نجاهد و هاذا كان خطأ من الفيس إنتخابات من المفروض ما تحكيش على الجهاد و دير إضراب...الخ <br>المهم علي بلحاج و عباسي مدني دخلوهم للحبس قالولهم راكم ديرو الفوضى و 6 شهر من بعد الفيس ربح الإنتخابات ب 80% لتما شادلي رئيس الجمهورية ما حبش يحبس الفوط ما حبش يجي ضد إرادة الشعب لتما الجينيرالات على رأسهم نزار اجبروه على الاستقالة و نزار أوقف الإنتخابات بالقوة و ثم بداو يدخلو أعضاء الفيس للحبس ظلما بدون محاكمة كاين لي في 2026 مزال ما بان disparus يعني يرفدوه ما تزيد تشوفو، و مزالها موجودة جمعية مفقودين العشرية السوداء و راهي actif لليوم عليك، أحسن مثال تاع كانو يسجنو الناس حڨرة هو صالح عصاد كان نجم الفريق الوطني و نجم عالمي لعب في psg كان يمارس السياسة قانونيا عمرو ما حرض على الارهاب عمرو ما دار فوضى بمجرد كان فالفيس دخلوه للحبس 4 سنوات <br>و هنا الجينيرالات جابو بوضياف رئيس في بالهم يسوڨوه كيما شادلي لكن بوضياف ماشي لي تسوڨو السيد طرطڨ الثورة ضد فرنسا جي نتا تسوڨو (لي ما يعرفش بوضياف تصويرتو راهي في ورقة تاع 2000دج) كان يسنى الفرصة باش يقضي على الجنرالات أيا كي فاقولو قتلوه مباشرة في التلفاز فطرو بيه قبل ما يتعشا بيهم (هذا كلام ابنه ناصر قال الجنرالات قتلولي بابا و بلي فرونسوا ميتيرون الرئيس الفرنسي هو من رفض فوز الفيس) يعني الجينيرالات يتحكمو في الجزائر و فرنسا تتحكم في الجينيرالات <br>المهم كي بداو يرفدو فيهم بدون سبب لتما كاين لي طلع للجبل غير باش يهرب و ما يرفدوهش و كاين لي كان قانع بفكرة الجهاد و لازم &nbsp;يحاربو الدولة كيما قلت كانو 3 مجموعات <br>MIA <br>ماشي تاع الفيس ال mia كانت قديمة من الثمانينات و الدولة &nbsp;قضات عليهم كي ناس حبت تهرب للجبل بعد الانتخابات عاودت حياة شوية لكن ما طولتش <br> AIS <br>و هاذوما هوما أعضاء الفيس القدماء ماشي مدني و بلحاج داروها خلقوها الاعضاء الآخرين تاع الفيس زعما جهاد ضد الدولة منظمة و يقبلو يتفاوضو مع الدولة باش يحبسو العنف كانو عندهم مطالب لوكان طبقو المطالب نحبطو ملجبل حابين يلقاو حل ماكانوش يقتلو الشعب شغل كانو محسفينها غير مع الدولة برك و كانو ينضمو اليها ناس مالشعب <br>GIA <br>هاذو ماشي بشر كانو يقتلو الجميع عجايز دراري صغار لكباش يرعاو و يقتلوهم لي عندو جنان يحرڨوهولو و ما يقبلوش المفاوضات مع الدولة غير القتل و ما عندهم حتى مطالب نردوها كامل دم و خلاص، في مجازر بن طلحة مثلا لقاو بيبي فالكوشة طيبوه كانو يغتصبو أمهات أمام ولادها و يجبروهم باش يشوفو ثم يقتلو الأم و يخلو وليدها يعيش دارو الشر ما تتصوروش لكن المشكل هاذو بزاف دخللهم الشك من ورائهم خاطر حتى قادة الفيس تبراو منهم <br>الكارثة انه في مجزرة بن طلحة وين ذبحو 400 شخص في ليلة واحدة الناس لي قدرت تهرب من مكان المجزرة راحو للثكنات ماشي بعاد عليهم لتما برك هذاك الوقت مكاش تيليفون قالولهم ارواحو تسلكونا راهم يذبحو فينا كانو يقولولهم ما عطاوناش أمر باش نتدخل ما نقدروش نجو، هاذ الهدرة ماشي تاعي أيضا تلقاها في اليوتوب الضحايا لي عاشو هاذيك الليلة يحكو و حتى منظمة حقوق الانسان تاع الأمم المتحدة و amnesty international أيضا دارو rapport و قالو فيه بلي كانو السكان يروحو يطالبون بالنجدة و الدولة ما تسلكهمش و هنا الشعب دخلو الشك كيفاش شعب يتندبح كازيرنة تاع الدرك قدامك 6 سوايع ما جيش <br>كاين لي قالك الدولة بلعاني تخلي الشعب يموت خاطر خرجت عليها و الشعب بدا يدور على البولحية كي شافهم كانو يقتلو الأبرياء خاطر الشعب مع الأول كامل كان يحب و انتخب الفيس <br>و كاين لي قالك الدولة لي كانت تدبح ديراكت لنفس سبب و الدولة هي لي خلقت GIA باش تكره الناس في الاسلاميين، هاذي نظرية فقط ما عندها حتى دليل الناس في الشارع كانت تقولها لكن الأمر المؤكد أن الدولة على الأقل كانت علابالها و خلات الشعب يموت بلعاني باش الشعب يجي ضد البولحية و يوقف مع الدولة و كيما كان الحال الناس خلاص كرهت و عيات كل ليلة يسمعو موتى ناس ولات ما ترقدش تبات تعس يخافو يجوهم فاليل، دراري صغار يروحو يقراو يدبحوهم فالطريق خاصة لي عايشين في مناطق نائية في الأحياء الشعبية يديرو بومبات فالمارشيات في المطار الشعب ولاو يقولو حبسونا لقتيلة برك ما نسحقو والو كنا عليشين couvre feu يعني الشعب كامل يدخل بكري للدار مكاش لي يخرج فاليل كيما كورونا <br>أمبعد الجنرالات بقاو حاكمين الكرسي جابو بوتفليقة باش يسوڨوه مثل البقية و دارو مصالحة وطنية تاع زعما الارهابي لي يحبط ملجبل نسمحولو و كاين حتى لي عطاوهم أراضي و دارولهم شهرية قالولهم ياو حبسونا لقتيلة برك و هكذاك بدا يحبس الإرهاب حتى سنة 2002 هكذاك باش خلاصت <br>في 2003 بوتفليقة طلق عباسي مدني و علي بلحاج ملحبس في 1991 كانو فلحبس الشعب كامل يحبهم و اختارهم نهار خرجو الشعب كامل يكرهم، علاش الناس ليوم تكره علي بلحاج خاطر يقولك هوما لي سخنو الشعب باش يطلع للجبل و يقتل الناس، هي صح غلطو كي هدرو على الجهاد قبل الإنتخابات لكن في الصح مادارو والو ربحو انتخابات سجنوهم ظلما ماكانوش قادرين يخلقو الإرهاب و يديرو السلاح و هوما فالحبس، كاين أعضاء آخرين تاع الفيس لي طلع وحدو باش يحارب كاين لي صح مجرم على جال الكرسي هاذي تبقى عند ربي كل واحد يتحاسب وحدو و على نيتو ما تقدرش تحطهم كامل في شكارة وحدة أنا رأيي سبب العشرية السوداء هوما الجينيرالات و على رأسهم خالد نزار لوكان ما حبسوش الإنتخابات ربحو يطلعو ما يصراش كامل هذا، و باش الجيل الجديد يفهم علاش الجيل تاعنا يخاف الفتنة عشنا عشر سنين سوداء ماتو فيها 200 ألف، الحمد لله على نعمة الأمن و عند الله تلتقي الخصوم لي دار الشر يخلص

  410

• MA

  @MalakHadjidj-k9z · 6 months ago

  ربي يرحمك يالمين زروال في هذي ساعة راهم يدفنو فيه <br>ترحمو عليه خاوتي <br>ربي يرحمو زعيم من زعماء الجزائر

  70

• FA

  @fadihattabi · 6 months ago

  راك تمشي وتتقدم ركليطا لعزيز كمل فيها

  232

• AB

  @AbdouabdouBahlolibahlouli · 5 months ago (edited)

  طحت من عيني 4 سنين وانا حاسبك سمين😂😮😮

  254

• RA

  @raqeem.intellect · 6 months ago

  ياركليطة بارك الله فيك كمل فيها والله غي راهم قلال لدايرين محتوى كيما تاعك هاك في دزاير

  626

• MI

  @MisteBel-w6e · 3 months ago

  نص تعليقات يقولو بلي الدولة هيا سبب مجازر.... ويبررو ل إرهاب بلي هوما خاطي الله غالب والديكم و جدودكم ارهاب و تحبو تبررولهم الحكايات تاع صح تسمعهم من عند ناس عاناو من هاد العشرية

  77

• MA

  @Maruis_1 · 4 months ago

  راني نشوف فالتعليقات كامل كانوا رياحين يولو ارهاب ف تسعينات كون كانو موجدين

  132