ကွန်မြူနစ်ချင်း ပေဒစာ ၃ (ပထမပိုင်း)

Comments · 6

• ST

  @StudyDesk-v6g · 11 days ago

  (၃) <br>ပါတီမှာ အတွေ့အကြုံတွေ သင်ခန်းစာတွေ မနည်းမနော ရှိခဲ့ပါပြီ။ ဥပဒေတွင်း အတွေ့အကြုံနဲ့ သင်ခန်းစာက ၃ နှစ်ပဲ ရှိခဲ့တယ်။ ဥပဒေပ အတွေ့အကြုံနဲ့ သင်ခန်းစာကတော့ (၁၉၃၉ - ၄၅) ပထမအကြိမ် ၆ နှစ်နဲ့ (၁၉၄၈ ကစလို့ အခုအထိ ) ၅၂ နှစ် ရှိပါပြီ။ ဥပဒေပ ကာလကြီးကိုလည်း လက်နက်ကိုင်တော်လှန်ရေးကို အဓိကထားတဲ့ကာလနဲ့ မြေအောက်လုပ်ငန်းကို အဓိကထားတဲ့ ကာလလို့ နှစ်ပိုင်းခွဲနိုင်ပါသေးတယ်။ <br> <br>မတူတဲ့ကာလအလိုက် မတူတဲ့ လုပ်နည်းလုပ်ဟန်တွေ ချမှတ်ကျင့်သုံးကြရမှာဖြစ်ပေမယ့် ပါတီရဲ့ အခြေခံလုပ်ငန်းစဉ်နဲ့ သံမဏိစည်းမျဉ်းကတော့ တသမတ်တည်း ရှိရပါမယ်။ ပါတီရဲ့ စာစောင်စာတမ်းများကို ဖတ်ခွင့်ရတဲ့ မော်ကွန်းထိန်းအဖွဲ့ဝင်တယောက်အနေနဲ့ ရေးပါဦးမယ်။ ရဲဘော်တို့ မှီငြမ်းကိုးကား ဆင်ခြင်သုံးသပ်နိုင်ဖို့ပါ။ ပါတီရဲ့ နှစ် ၆၀ သမိုင်းမှာ လူတန်းစားစုံ၊ အလွှာစုံ နိုင်ငံရေးလက်ဟောင်း လက်သစ်တွေ စုပြုံပြီး ပါတီဝင်ကြတဲ့ ခေတ်တခေတ် ရှိဖူးပါတယ်။ အဲဒါက ၄၅ ခုနှစ်ကပါ။ ဖက်ဆစ်ဂျပန်ကို တော်လှန်နေစဉ်နဲ့ အောင်မြင်တဲ့ အချိန်ပါပဲ။ နောင်မှာ ဒီလိုအဖြစ်မျိုး ပါတီသမိုင်းမှာ မရှိတော့ပါဘူး။ <br> <br>အဲဒီတုန်းက ပါတီဝင်ကြသူတွေကို အကြမ်းအားဖြင့် အောက်ပါအတိုင်း အမျိုးအစား ၄ မျိုး ခွဲနိုင်ပါတယ်။ <br> <br>အမျိုးအစား (၁)။ &nbsp; ။ ဖက်ဆစ်ဂျပန်ကိုတိုက်ဖို့၊ မုချရောက်လာတော့မယ့် အင်္ဂလိပ်နယ်ချဲ့ကို တိုက်ဖို့၊ ဗမာပြည်ရဲ့ လုံးဝလွတ်လပ်ရေးအတွက် အရိုးကြေကြေ အရေခန်းခန်း တိုက်ပွဲဝင်ဖို့ ပါတီဝင် ဖြစ်လာကြသူများ။ သူတို့ဟာ ပါတီရဲ့ အဓိကမဏ္ဍိုင်နဲ့ ကျောရိုးများ ဖြစ်လာကြပါတယ်။ ပါတီရဲ့ အောင်လံကိုင်များအဖြစ် ၂ဝ ရာစု ကုန်ခါနီးအထိ တိုက်ပွဲဝင်သွားကြသူများ ဖြစ်ပါတယ်။ ပါတီစတင် ထူထောင်ကတည်းက ပါခဲ့တဲ့ ဗိုလ်ရန်အောင်ကစပြီး နောက်ပိုင်းဝင်လာကြတဲ့ ဗိုလ်ဗထူး၊ ဗိုလ်သိန်း၊ ဗိုလ်အာဠာဝက၊ ဗိုလ်ဇေယျ စသူများဟာ ပါတီအတွက် အသက်ပေးလှူသွားကြပါတယ်။ စာရေးဆရာ မြသန်းတင့် က သူ့ကိုယ်ရေးသမိုင်းမှာ ရေးခဲ့တဲ့ ဗိုလ်သိမ်းဦး အပါအဝင်ပါပဲ။ <br>(တန်းစီဇယား အရှည်ကြီးဖြစ်နေမှာစိုးလို့ ဒီလောက်ပဲ ဖော်ပြပါတယ်) <br> <br>အဲဒီမျိုးဆက်ဟာ အခုအထိလည်း “ကွန်မြူနစ်အဖြစ်နေပြီး ကွန်မြူနစ်အဖြစ်နဲ့ပဲ သေမယ် ” ဆိုတဲ့ ပိုင်းဖြတ်ချက်နဲ့ ပါတီတာဝန်များကို နေရာအနှံ့မှာ ထမ်းဆောင်နေကြဆဲ ဖြစ်ပါတယ်။ သူတို့ဟာ အသက် ၈၀ တန်း၊ ၉ဝ တန်း ရောက်နေသူတွေပါ။

• ST

  @StudyDesk-v6g · 11 days ago

  (၂) <br>သွေးသစ် ဘယ်လို လောင်းမလဲ ဒီကိစ္စက သိပ်အရေးကြီးပါတယ်။ ရဲဘော်တဦးက ၈၅ ကွန်ဂရက်က ချမှတ်တဲ့ ပါတီတည်ဆောက်ရေး လမ်းစဉ်ဟာ မျက်မှောက်ကာလမှာလည်း ခေတ်မီဆဲပဲလို့ ရေးပါတယ်။ သဘောတူပါတယ်၊ ၈၅ ပါတီစည်းရုံးရေးလမ်းစဉ်ဟာ ခပ်စောစောကတည်းက ဗဟိုက ချမှတ်ထားတဲ့လမ်းစဉ် ဖြစ်ပါတယ်။ ၁၉၆၇ - ၇၅ အထိ ကျင့်သုံးခဲ့တဲ့ “ပါတီတွင်း တော်လှန်ရေး” (ဖြုတ်ထုတ်သတ်) စည်းရုံးရေးလမ်းစဉ်ကို ပယ်ဖျက်ပြီး ချမှတ်ခဲ့တာ ဖြစ်ပါတယ်။ မာ့က်စ်လီနင်ဝါဒရဲ့ စည်းရုံးရေးမူတွေကို စုစည်းထားတဲ့ လမ်းစဉ်ဖြစ်လို့ ပါတီက ထာဝစဉ် ကိုင်စွဲထားရမယ့် စည်းရုံးရေးလမ်းစဉ် ဖြစ်ပါတယ်။ <br> <br>ဘက် ၄ ဘက်ကနေ တည်ဆောက်ရေးမှာ နိုင်ငံရေးနဲ့ အတွေးအခေါ်ရေး တည်ဆောက်မှုက သဘောတရားနယ်ပယ်ကဖြစ်ပြီး ဖွဲ့စည်းရေးနဲ့ လုပ်ဟန်က နည်းနာနယ်ပယ်ကလို့ ယူဆပါတယ်။ သဘောတရားဘက်ကို အလေးထားရပါမယ်။ <br> <br>ဗမာပြည်ကွန်မြူနစ်ပါတီပဲဖြစ်ဖြစ် တခြား ကိုလိုနီနဲ့ကိုလိုနီတပိုင်းဘဝမှာ စတင် ဖွဲ့စည်းခဲ့ကြတဲ့ ဘယ်ပါတီပဲဖြစ်ဖြစ် အားလုံးဟာ မာ့က်စ်လီနင်ဝါဒရဲ့ နယ်ချဲ့ စနစ်ဆန့်ကျင်ရေး၊ ကိုလိုနီဝါဒဆန့်ကျင်ရေး သဘောတရားကို ဘဝင်ကျကျ လက်ခံကြပြီး ပြတ်ပြတ်သားသား ကိုင်စွဲကာ ပါတီကို စတင်ထူထောင်ကြတာပါ။ နက်နဲတဲ့ အဘိဓမ္မာရေး၊ ဘောဂဗေဒနဲ့ ဆိုရှယ်လစ်ရေး သဘောတရားတွေကို နောက်မှတဖြည်းဖြည်း ဆည်းပူးခဲ့ကြတာ ဖြစ်ပါတယ်။ အခုထိလည်း ဆည်းပူးနေကြရဆဲ ဖြစ်ပါတယ်။ ဗမာပြည်ကွန်မြူနစ်ပါတီ ထူထောင်ပြီးနောက် ပါတီထဲကို ရောက်လာတဲ့ သွေးသစ်တွေဟာလည်း ပါတီရဲ့ အင်္ဂလိပ်နယ်ချဲ့ ဆန့်ကျင်ရေး (၁၉၃၉ - ၄၂)၊ (၁၉၄၅ - ၄၈) နဲ့ ဖက်ဆစ်ဆန့်ကျင်ရေး (၁၉၄၂ - ၄၅) ကို သဘောတူ လက်ခံကြလို့ပါတီထဲ ရောက်လာကြတာပါ။ လွတ်လပ်ရေးရပြီးတဲ့နောက်မှာလည်း ပါတီရဲ့ ပြည်သူ့ဒီမိုကရေစီ တော်လှန်ရေးလမ်းစဉ်ကို သဘောတူ လက်ခံကြလို့ ပါတီထဲ ရောက်လာကြတာပါ။ ဘယ်သူမှ မာ့က်စ်ဝါဒရဲ့ အစိတ်အပိုင်းကြီး ၃ ရပ်ကို သဘောပေါက်ပြီးမှ ဝင်ကြတာ မဟုတ်ပါဘူး။ နောက်မှ လေ့လာဆည်းပူးကြရတာ ဖြစ်ပါတယ်။ <br> <br>ထပ်ပြီးအသေးစိတ်မယ်ဆိုရင် တော်လှန်ရေးရဲ့ အဓိက တာဝန်ကြီးတခုကို စိတ်ဝင်စားရာက ပါတီနဲ့ နီးစပ်လာကြတာပါ။ ဥပမာ အင်္ဂလိပ်ကို တော်လှန်မယ်၊ ဂျပန်ကို တော်လှန်မယ်၊ ဖဆပလ အစိုးရ (၄၈ – ၅၈)၊ စစ်အစိုးရ (၆၂ --) ကို တော်လှန်မယ်ဆိုတာကို နှစ်ခြိုက်လို့ပါ။ ပါတီနဲ့နီးစပ်လာမှ သဘောတရားတွေကို ဆက်လက်လေ့လာ ဆည်းပူးကြရတာပါ။ <br> <br>ပါတီရဲ့ပြင်ပက မျိုးဆက်သစ်လူငယ်တွေဟာ ပါတီရဲ့ စာတမ်း (သို့မဟုတ်) ကြေညာချက် ဆောင်းပါးတခုခုကို တွေ့ရှိရာမှ ပါတီကို စိတ်ဝင်စားလာကြတာ ဖြစ်ပါတယ်။ ဂျပန်ခေတ်ကဆိုရင် ပါတီရဲ့ “လွတ်လပ်ရေး ကြေညာစာတမ်း”ကို တွေ့ရှိရာက ပါတီနဲ့ နီးစပ်လာတာပါ။ သူတို့ဟာ သူတို့ရဲ့ ဘဝပေးအသိအရ၊ ကိုယ်ပိုင်အတွေ့အကြုံအရ ဂျပန်ကို မုန်းတီးပြီးသားပါ။ ဘယ်သူကမှ ပြောနေစရာ မလိုပါဘူး။ သူတို့ဟာ တခုခုလုပ်ချင်နေကြတာပါ။ အသက်စွန့်ပြီး လုပ်ရလုပ်ရ လုပ်ချင်နေတာပါ။ ပါတီက လှုံ့ဆော်နေရတာ မဟုတ်ပါဘူး။ လှုံ့ဆော်နိုင်တဲ့ အခြေအနေလည်း မရှိခဲ့ပါဘူး။ ဂျပန်ဖက်ဆစ်ဝါဒလက်အောက်မှာ ပါတီက ကြေညာချက်တွေထုတ်၊ ပိုစတာတွေကပ်ပြီး လူထုကို လှုံ့ဆော်နိုင်မယ်ထင်ရင် ရိုးအလွန်းရာ ကျပါလိမ့်မယ်။ ပုန်ကန်မှုကို လျှို့ဝှက်သိုသိပ်စွာ ပြင်ဆင်နေရတာ ဖြစ်ပါတယ်။ ၈၈ နောက်ပိုင်း အခုခေတ်နဲ့ မတူပါဘူး။ <br> <br>အခုခေတ်မှာ စစ်အစိုးရကို ဆန့်ကျင်နေတဲ့ အင်အားစုတွေ ပြည်တွင်းမှာ အများကြီး ရှိပါတယ်။ ပြည်ပကနေ အသံလွှင့်ပြီး လှုံ့ဆော်နိုင်တာလည်း ရှိပါတယ်။ <br> <br>မျိုးဆက်သစ် လူငယ်တွေမှာ စစ်အစိုးရ ဆန့်ကျင်ရေး စိတ်ဓာတ်က မြင့်မားပြီးသား၊ စစ်အစိုးရကို အနိုင်တိုက်ဖို့ ပိုင်းဖြတ်မှု (သန္နိဋ္ဌာန်) လည်း ခိုင်မာပြီးသားပါ။ အောင်ပွဲရစေမယ့် လမ်းကြောင်းကိုပဲ ရှာကြတာပါ။ ကျွန်တော်တို့ပါတီက “ပြည်သူ့အာဏာ”ခေါင်းကြီးတွေ၊ ဆောင်းပါးတွေနဲ့ ပါတီရဲ့ နိုင်ငံရေးသဘောထားအမြင်တွေ၊ ခြေလှမ်းတွေကို မျိုးဆက်သစ်များသို့ မိတ်ဆက်ပေးနေတာ ဖြစ်ပါတယ်။ ကြိုက်သူ ယူဖို့ပါ။ <br> <br>နယ်ချဲ့နိုင်ငံတွေကလည်း သူတို့ရဲ့ နိုင်ငံရေးတွေ၊ သဘောထားတွေ၊ အမြင်တွေနဲ့ ခြေလှမ်းတွေကို နေ့စဉ်အသံလွှင့်ရုံတွေကနေ လွှင့်ထုတ်နေပါတယ်။ ဒီအထဲကို တိုးဝင်ပြီး ကျွန်တော်တို့ လုပ်နေရတာ ဖြစ်ကြောင်း သတိပြုရပါမယ်။

• ST

  @StudyDesk-v6g · 11 days ago

  ဒီအပြောဟာ အရင်းရှင်စနစ် အဓွန့်ရှည်ရေးအတွက် ထွင်လိုက်တဲ့ အပြာအဆိုတခုလို့လည်း မြင်ပါတယ်။ အရင်းရှင်စနစ်က ကောင်းတော့မကောင်းဘူး၊ ဒါပေမဲ့ သူ့ကို အစားထိုးဖို့ ဘာမှမရှိဘူး။ အစားထိုးဖို့ ကြိုးစားရင် စိတ်ကူးယဉ်တာပဲဖြစ်မယ်လို့ တဲ့တိုးကြီး ပြောနေတာ ဖြစ်ပါတယ်။ <br> <br>အပြောအဆိုတိုင်းရဲ့နောက်မှာ အတွေးအခေါ် ရှိပါတယ်။ အဘိဓမ္မာ ရှိပါတယ်။ ကျွန်တော်တို့ဟာ ဒီအပြောအဆိုမျိုးကို ဆန့်ကျင်ရမှာ ဖြစ်ပါတယ်။ <br> <br>မာ့က်စ်ဝါဒကို စိတ်ကူးယဉ် ဆိုရှယ်လစ်ဝါဒအဖြစ် (အရင်ကပေါ်ဖူးတဲ့ ဖူးရီးယား၊ အိုဝင်တို့နဲ့ တတန်းတည်းထားပြီး) ပြီးခဲ့တဲ့ကိစ္စ၊ နိဂုံးချုပ်သွားတဲ့ကိစ္စအဖြစ် သဘောထားချင်ကြတာပါပဲ။ ဒါ မဆန်းပါဘူး။ ဒါပေမဲ့ မာ့က်စ်ဝါဒက သက်ဝင်လှုပ်ရှားနေဆဲ၊ အရင်းရှင်ဝါဒကို ခြိမ်းခြောက်နေဆဲ၊ ဒါကြောင့်မို့ နှလုံးသားနဲ့ ဦးဏှောက်ပြဿနာအဖြစ် ထွင်လိုက်ကြတာပါပဲ။ <br> <br>ဆိုရှယ်လစ်လောက၊ ကွန်မြူနစ်လောကကို နေ့ချင်းညချင်း တည်ဆောက်နိုင်မယ်ထင်ပြီး လုပ်ခဲ့ကြတာကိုတော့ “ကမ္ဘာ့ကွန်မြူနစ် လှုပ်ရှားမှု”က ဝန်ခံရမှာပဲ။ “မလုပ်သူ မစားရ - လုပ်သလောက်ယူ”ဆိုတဲ့ ဆိုရှယ်လစ်စနစ်ကနေ “လုပ်နိုင်သလောက်လုပ် လိုသလောက်ယူ”ဆိုတဲ့ ကွန်မြူနစ်စနစ်သို့ သူတို့သက်တမ်းတွင်းမှာပဲ တက်လှမ်းနိုင်မယ် ထင်ခဲ့ကြတာဟာ ဘဝနဲ့ကင်းကွာတဲ့ စိတ်လောကြီးမှုပဲ (တနည်း) စိတ်ကူးယဉ်မှုပဲ။ <br> <br>အလှမ်းကျယ်လွန်း၊ စိတ်လောကြီးလွန်းတဲ့ အစွန်း (ကရူးရှက်ဝါဒ) ကနေ တခြားအစွန်း လက်လျှော့အရှုံးပေးတဲ့အစွန်း (ဂေါ်ဘာချော့ အယူအဆ) ကို ခုန်ကူးသွားတော့ ဆိုဗီယက်ယူနီယံ ပြိုကျတာပါပဲ။ <br> <br>တရုတ်ပြည်မှာလည်း ဒီလိုဖြစ်ခဲ့တာပဲ။ (“ခုန်လွှားချီတက်မှုကြီး”၊ “ယဉ်ကျေးမှု တော်လှန်ရေး”) ဒါပေမဲ့ သူကအချိန်မီ အရှိန်သတ်နိုင်ခဲ့တယ်။ “ပဏာမဆိုရှယ်လစ်အဆင့်” ကိုတောင် အနည်းဆုံး ရာစုနှစ်တခု လူ့သက်တမ်းတခုမက ကြာမယ်။ ဆိုရှယ်လစ်စနစ်စစ်စစ် တည်ဆောက်ရေးကိုတော့ မျိုးဆက်ပေါင်း တဒါဇင် သို့မဟုတ် ဒါဇင်အများကြီးတောင် ကြာနိုင်တယ်လို့ ဆုံးဖြတ်ပါတယ်။ (၁၅ ကြိမ်မြောက် ကွန်ဂရက်)။ ကွန်မြူနစ်စနစ်သို့ အဲဒီလောက်ကြာမှ ရောက်ပါမယ်။ ဒါလောက်ကြာကြာလုပ်ဖို့ စိတ်မရှည်လို့ မရပါဘူး။ ဒါဟာ လက်တွေ့က ရတဲ့ အမြင်ပါ။ <br> <br>ကျွန်တော်တို့ဟာ အနုပဋိလောမ ရုပ်ဝါဒီတွေဖြစ်လို့ “လက်တွေ့”ကို အဓိက ထားရပါမယ်။ “လက်တွေ့”မှာ မအောင်မြင်တာမှန်သမျှ “ဆန္ဒစွဲ” အမှားကြောင့်ချည်းပါပဲ။ ဆန္ဒစွဲအမှားဆိုတာမှာ လက်ဝဲအမှားရော၊ လက်ယာအမှားပါ ရှိပါတယ်။ <br> <br>ဒီလောက်ကြာကြာလုပ်ရမယ့် အလုပ်ကို မလုပ်ချင်၊ မလုပ်နိုင်လို့ ထွက်ကြတာကို ပါတီက အပြစ်မပြောသင့်ပါ။ ကွန်မြူနစ်ဘဝ ခံယူတယ်ဆိုတာဟာ ရာနှုန်းပြည့် ကိုယ့်ဆန္ဒအရ ဖြစ်ရပါမယ်။ <br> <br>နိုင်ငံခြားဖြစ် အပြောတခုကို ရေးပြီးလို့ ပြည်တွင်းဖြစ် အပြောတခုကို ရေးပါဦးမယ်။ အဲဒီအပြောက… <br>“ငယ်စဉ် ကွန်မြူနစ်၊ ကြီးလာတော့ ဆိုရှယ်လစ်၊ ဒီ့ထက်ကြီးလာတော့ ဖက်ဆစ်တဲ့” လက်နက်ချပွဲတွေ ပေါ်တဲ့ ၁၉၅၈ လောက်ကစပြီးပြောတဲ့ လက်နက်ချတွေရဲ့ အပြောပဲ။ “လူ့ဘဝမှာ အများအတွက်ချည်း လုပ်မနေနိုင်ဘူး၊ ကိုယ့်အတွက်လည်း လုပ်ရဦးမယ်” ဆိုတာက မြစ်ဖျားခံတဲ့ အတွေးအမြင်ပဲ။ ဒီအတွေးအမြင်ဟာ ကျယ်ပြန့်လာလိုက်တာ ၈၉ နောက်ပိုင်းမှာတော့ “ခေတ်သစ် သူဌေးလူတန်းစား”ပေါ်လာတဲ့အထိပါ။ <br> <br>ဗိုလ်နေဝင်း က ပြောဖူးတယ်။ “ခင်ဗျားတို့ ကွန်မြူနစ်တွေ ကျုပ်တို့ဆီရောက်လာရင် တယ်ပြီး မြန်မြန်သူဌေး ဖြစ်ချင်ကြတာကိုး” တဲ့။ ဒါဟာ လက်နက်ချတွေနဲ့ ဆက်ဆံရတဲ့ သူ့အတွေ့အကြုံအရ ပြောတာ ဖြစ်ပါလိမ့်မယ်။ လက်နက်ချတွေရဲ့ သူဌေးဖြစ်ဖြတ်လမ်း အတွေ့အကြုံကို သာမက သူတို့စစ်အုပ်စုဝင်တွေရဲ့ ကိုယ်ပိုင်အတွေ့အကြုံအရ သူဌေးဖြစ်ဖို့ဆိုတာ အကြာကြီးလုပ်ယူမှ ရတယ်ဆိုတာ စဉ်းစားမိလို့ ပြောထုတ်လာပုံ ပေါ်ပါတယ်။ <br> <br>နိုင်ငံခြားဖြစ်နဲ့ ပြည်တွင်းဖြစ် ဆက်စပ်နေလို့သာ တွဲပြီးရေးတာပါ။ ကာလ၊ ဒေသ၊ ပယောဂချင်း မတူကြပါဘူး။ အကျယ်မရေးတော့ပါ။ ရေးရင် သိပ်ပြီး ဘေးရောက်သွားပါလိမ့်မယ်။

• ST

  @StudyDesk-v6g · 11 days ago

  အမျိုးအစား (၂)။ &nbsp; ။ နောက်အမျိုးအစားတခုက ဖက်ဆစ်ဂျပန်ကို တိုက်ပြီးပြီ၊ အင်္ဂလိပ်နယ်ချဲ့သမားကို တိုက်တဲ့အခါကျမှပဲ ပြန်လာတော့မယ် – အခုတော့ မိဘသားမယား လုပ်ကျွေးဖို့ ထွက်နေဦးမယ်၊ တိုက်ချိန်ကျရင် ခေါ်လိုက်ဆိုပြီး ပါတီက အနားယူသွားသူတွေပါ။ အဲဒီအမျိုးအစားကလည်း များပါတယ်။ သူတို့ဟာလည်း လေးစားစရာ ပုဂ္ဂိုလ်တွေပါ။ အရေးကြုံရင် ပြန်ရောက်လာကြပါတယ်။ <br> <br>အမျိုးအစား (၃)။ &nbsp; ။ နောက်အမျိုးအစားကတော့ ပါတီရဲ့အမှားများ (အမှားတွေ့ရှိခဲ့တာ ဝန်ခံရပါမယ်၊ အလုပ်လုပ်ရင် မှားတတ်ကြတာ လူ့သဘာဝပါ။ ပါတီဟာ ခြွင်းချက်မဟုတ်ပါဘူး) ကြောင့် စိတ်ပျက်လက်ပျက်ဖြစ်ပြီး ပါတီက ထွက်သွားသူများပါ။ ဒီအရေအတွက်လည်း မနည်းပါဘူး။ သူတို့ကိုလည်း ပါတီက နားလည်မှုရှိရပါမယ်။ “ လုပ်ခဲ့တာတွေအတွက် ဂုဏ်ပြု မှတ်တမ်းတင်တယ်၊ ဆန္ဒရှိရင် ပြန်လာပါ”လို့ပဲ ပြောရမှာပါ။ <br> <br>ပြည်သူ့ဒီမိုကရေစီတော်လှန်ရေး ရေရှည်နေတာနဲ့ ပါတီမှာ အမှားအယွင်းတွေ အကြိမ်ကြိမ်ဖြစ်တာကြောင့် စိတ်မရှည်တော့ဘဲ ပါတီကို စွန့်သွားသူတွေ ခေတ်တိုင်းမှာ ရှိခဲ့ပါတယ်။ ရှေ့မှာလည်း ရှိနေဦးမှာပါ။ သူတို့အပေါ် &nbsp;ပါတီက ဂိုဏ်းဂဏစိတ် မထားသင့်ပါ၊ ထားလည်းမထားခဲ့ပါ။ [(၁၉၆၇ - ၇၅) ပါတီတွင်းမှာ မှားယွင်းတဲ့ ပါတီစည်းရုံးရေးလမ်းစဉ် ရှိတုန်းကတောင် အဓိက ပစ်မှတ်က သူတို့အပေါ်မဟုတ်ပါ။ ပါတီတွင်းက “ပြန်လည်ပြင်ဆင်ရေးသမား”အဖြစ် စွပ်စွဲခံရသူတွေ အပေါ်ပါ ] <br> <br>အခု နိုင်ငံခြားမှာ အပြောတခု ရှိနေတာ ကြားရပါတယ်။ ဆိုဗီယက်ယူနီယံ ပြိုကွဲပြီး နိုင်ငံတကာ့ ကွန်မြူနစ်လှုပ်ရှားမှု ယာယီနောက်ဆုတ်နေရချိန်မှာပေါ်တဲ့ အပြောအဆိုပါ။ အဲဒါက “ငယ်စဉ်က ကွန်မြူနစ် မဖြစ်ခဲ့သူဟာ နှလုံးသားမရှိသူ။ ကြီးသည်အထိ ကွန်မြူနစ် ဖြစ်နေသူဟာ ဦးဏှောက်မရှိသူ”တဲ့။ <br> <br>ပထမပိုင်းက ဝန်ခံထားတာတခု တွေ့ရမယ်။ မျက်မှောက် အရင်းရှင်လောကကြီးမှာ မတရားမှုတွေ၊ ဖိနှိပ်မှုတွေ ဒင်းကြမ်းဖြစ်နေတယ်ဆိုတာကို ဝန်ခံတာပဲ။ “ကွန်မြူနစ်အစဟာ တရားမျှတမှု အစည်းအရုံးက”ဆိုတာကို မာ့က်စ်၊ အိန်ဂယ်လ် အထ္ထုပ္ပတ္တိ လေ့လာရင် တွေ့ရမှာပါ။ ကွန်မြူနစ်ဝါဒ ဖခင်ကြီးတွေဟာ နှလုံးသားနဲ့ စခဲ့တာပါပဲ။ ဒုတိယပိုင်းကတော့ ဆိုရှယ်လစ်လောကတို့၊ ကွန်မြူနစ်လောကတို့ဆိုတာ စိတ်ကူးယဉ်မှုပဲ၊ ဦးဏှောက်မရှိသူတွေ လုပ်တာပဲလို့ ပြောချင်တာပါ။ တကယ်ကတော့ ကွန်မြူနစ်လှုပ်ရှားမှုကို ဦးဏှောက်နဲ့ လုပ်နေတာပါ။ <br> <br>သိပ္ပံပညာတိုင်းဟာ စခဲ့တုန်းက စိတ်ကူးယဉ်မှုတခုခု၊ ဦးဏှောက်လှုပ်ရှားမှု တခုခုအပေါ်မှီပြီး စခဲ့တာချည်းပဲ။ ဒီနေ့ ဘယ်သူမှ အငြင်းမပွားဘဲ လက်ခံနေကြတဲ့ သိပ္ပံပညာတိုင်းဟာ စိတ်ကူးမှလက်တွေ့ - အမှားတွေ့ရင် စိတ်ကူးသစ်ထုတ်၊ လက်တွေ့သစ်လုပ်၊ အဲဒီဖြစ်စဉ် ဖြတ်ခဲ့ရတာချည်းပါ။ သိပ္ပံပညာမှာ နိဂုံးရှိမှာ မဟုတ်ပါ။ အဆက်မပြတ် တိုးတက်နေဦးမှာ ထွန်းကားနေဦးမှာပါ။ <br> <br>ကြီးမြတ်တဲ့ စိတ်ကူးယဉ် ဆိုရှယ်လစ်ဝါဒီကြီးတွေ – ဖူးရီးယား၊ အိုဝင် အစရှိသူတွေ မရှိခဲ့ဘဲ မာ့က်စ်ဝါဒ မပေါ်နိုင်ပါ။ ကွန်မြူနစ်တွေ အသုံးပြုနေတဲ့ ဝေါဟာရ တော်တော်များများဟာ စိတ်ကူးယဉ် ဆိုရှယ်လစ်ဝါဒီကြီးတွေရဲ့ မူရင်းအဆိုအမိန့်တွေပါ။ မာ့က်စ်ဝါဒက စိတ်ကူးယဉ် ဆိုရှယ်လစ်ဝါဒကို သိပ္ပံနည်းကျ ဆိုရှယ်လစ်ဝါဒအဖြစ် သဘောတရားရေးအရ မြှင့်တင်ခဲ့တာပါ။ <br> <br>မာ့က်စ်၊ အိန်ဂယ်လ်တို့မှာ ဆိုရှယ်လစ်တည်ဆောက်ရေးလက်တွေ့ မရှိခဲ့ပါ။ ရှိလည်းမရှိနိုင်ပါ။ <br> <br>လီနင်ခေတ်၊ မော်စီတုန်းခေတ်ရောက်မှ လက်တွေ့ရှိလာပါတယ်။ လက်တွေ့လုပ်ကြည့် အမှားတွေ့၊ နောက်ထပ် လက်တွေ့လုပ်ကြည့် ထပ်အမှားတွေ့တာလည်း ဖြစ်နိုင်သေးတယ်။ အဲဒီလိုဖြစ်ရင် နောက်ထပ်လက်တွေ့ လုပ်ကြည့်ဦး နောက်ဆုံးတော့ ဒေါင်ဒေါင်မြည်သိပ္ပံပညာ ဖြစ်လာရမယ်လို့ ယုံကြည်ပါတယ်။ ဒီလုပ်ငန်းကို မျိုးဆက်နဲ့ချီပြီး လုပ်ကြမှာပါ။ <br> <br>ဘိုးဘွားဘီဘင်တွေ စိုက်ခဲ့တဲ့ စားပင်၊ သီးပင်တွေကို ကျွန်တော်တို့ အခုစားသုံးနေကြရပါတယ်။ သူတို့ကသာ “တို့ဘဝမှာ စားရမှာမှ မဟုတ်ဘဲ မစိုက်ခဲ့ပါဘူး”ဆိုရင် ကျွန်တော်တို့ စားသုံးရပါ့မလား၊ မစားသုံးရရုံမက “တို့ဘဝမှာ စားရမှာမှ မဟုတ်ဘဲ”အတွေး အခေါ်နဲ့ ကျွန်တော်တို့ မစိုက်ခဲ့ပြန်ရင် နောင်ဘယ်တော့မှ စားရမှာမဟုတ်ပါ။

• ST

  @StudyDesk-v6g · 11 days ago

  ဒုတိယကမ္ဘာစစ်ကြီး မဖြစ်ခင်က မျိုးဆက်သစ်လူငယ်တွေ ဖြတ်သန်းရတာက ရိုးစင်းပါတယ်။ “စည်း” နဲ့ “စံ”ကလည်း ပြက်ပြက်ထင်ထင် ရှိပါတယ်။ နယ်ချဲ့ဆန့်ကျင်ရေးသမားလား၊ အင်္ဂလိပ်အလိုတော်ရိလား၊ ကျောင်းသားဆိုရင်လည်း သမဂ္ဂလိုလားသူလား - ဆန့်ကျင်သူလား၊ အလုပ်သမားဆိုရင် သပိတ်မှောက်သူလား - သပိတ်ဖျက်သူလား၊ လယ်သမားဆိုရင် မြေရှင်ဆန့်ကျင်သူလား – မြေရှင့်ကိုယ်စားလှယ် လယ်မင်းသားလား စသည်ဖြင့် ခွဲခြားရတာ သိပ်လွယ်ပါတယ်။ <br> <br>အဲဒီလို “စည်း နဲ့ စံ ” ပြတ်သားနေမှုမျိုး အခုကာလမှာ မျှော်လင့်နေလို့ မရပါ။ ရှုပ်ထွေးစွာ ဖြစ်ပေါ်နေပါတယ်။ <br> <br>ရှုပ်ရှုပ်ထွေးထွေး ဖြစ်ပေါ်နေတဲ့ အခြေအနေကို ကျွန်တော်တို့ပါတီက ကျွမ်းကျင်လိမ္မာစွာ ချဉ်းကပ်နိုင်ရပါမယ်။ ပါတီရဲ့ သဘောထားနဲ့ အမြင်တွေ၊ ခြေလှမ်းတွေကိုလည်း ရှင်းရှင်းလင်းလင်း တင်ပြဖို့ လိုပါတယ်။ <br> <br>ပါတီက အရာရာကို မျက်စိမှိတ်ဆန့်ကျင်တာ မလုပ်မိဖို့နဲ့ မိမိရဲ့ဘယ်ညာ ရှေ့ နောက် အားလုံးကို ဆန့်ကျင်တာ မလုပ်မိဖို့ လိုပါတယ်။ မိမိပြင်ပက လူတွေရဲ့ သဘောထားတွေ၊ အမြင်တွေ၊ ခြေလှမ်းတွေကိုသာမက သူတို့ရဲ့ တိမ်းညွတ်မှုတွေ၊ စိတ်ဓာတ်တွေကိုလည်း သိအောင်လုပ်ရပါမယ်။ မော်စီတုန်းရဲ့ “စူးစမ်းလေ့လာရေး မရှိရင် စကားပြောခွင့်မရှိ ” ဆိုတဲ့ အဆိုအမိန့်ကို ကျွန်တော်တို့ လိုက်နာရမယ့်အချိန် ဖြစ်ပါတယ်။ စူးစမ်းလေ့လာရေး လုပ်ကြဖို့ လိုပါတယ်။ သိပ်ကို လိုပါတယ်။ <br> <br>စစ်အစိုးရကို ဆန့်ကျင်ခဲ့တဲ့ ၁၉၈၈ မျိုးဆက်သစ်လူငယ်တွေဟာ အခုလူလတ်ပိုင်း ဝင်စပြုနေပါပြီ။ တော်လှန်ရေး မီးတောက်မီးလျှံထဲမှာ တချို့လည်း ဆေးသားရတဲ့ သံမဏိ - တချို့က တွေဝေယိမ်းယိုင် - တချို့က ကမူးရှူးထိုး - တချို့က စိတ်ဓာတ်ကျ၊ အရည်ပျော်ကျ အမျိုးမျိုး ဖြစ်နေပါတယ်။ <br> <br>စစ်အစိုးရကို ဆန့်ကျင်တဲ့ မျိုးဆက်သစ် လူငယ်တွေလည်း တသုတ်ပြီးတသုတ် ပေါ်ထွက်လာနေပါတယ်။ သူတို့ရဲ့ တက်ကြွမှု၊ အသစ်ကို လက်ခံလိုမှုနဲ့ တော်လှန်ရေးစိတ်ဓာတ်ကို ကျွန်တော်တို့ လေးစားရပါမယ်။ <br> <br>အခုတလောမှာ မျိုးဆက်သစ် တော်လှန်ရေးသမားတွေဟာ မလွှဲသာဘဲ တတိယနိုင်ငံ ထွက်ကြရတာ ရှိပါတယ်။ ဖြစ်ပေါ်လာတဲ့ အခြေအနေသစ်ကို လက်မှိုင်ချကြည့်နေလို့ မဖြစ်ပါ။ အသုံးချရပါမယ်။ ဒီမိုကရေစီ အရေးတော်ပုံအတွက် လုပ်စရာတွေ အများကြီး ရှိပါတယ်။ အနည်းဆုံးတော့ မုချပေါ်ထွန်းလာမယ့် ဒီမိုကရေစီ ဗမာပြည်အတွက် ပိုပြီးအလုပ်လုပ်နိုင်အောင် ပညာရပ်မျိုးစုံကို (မိမိအခြေအနေအရ) ဆက်လက်လေ့လာရပါမယ်။ နှစ် ၄၀ လောက်ရှိပြီဖြစ်တဲ့ စစ်အုပ်စုအာဏာရှင်စနစ်ကြောင့် ဦးဏှောက်ယိုစီးမှုဟာ ကြီးထွားနေပါတယ်။ ဗမာပြည်သစ်အတွက် ပညာရှင်တွေ အများကြီး လိုလာပါလိမ့်မယ်။ <br> <br>နိုင်ငံခြားကို ထွက်ခွာရတဲ့ ပြဿနာဟာ ကွန်မြူနစ်များအဖို့တော့ အသစ်အဆန်း မဟုတ်တော့ပါ။ ကွန်မြူနစ်ဝါဒရဲ့ ဇာစ်မြစ်ကိုက “ပြည်ပြေး”ဘဝက စခဲ့ရတာပါ။ မာ့က်စ်ဟာ ဇာတိမြေကို မပြန်နိုင်ခဲ့ဘဲ အင်္ဂလန်မှာ ခေါင်းချခဲ့ရတာပါ။ <br> <br>နောက်မှာလည်း ပဲရစ်ဘုံအဖွဲ့ တော်လှန်ရေးသမားတွေ၊ ရုရှား၊ တရုတ်၊ ဗီယက်နမ်၊ ကျူးဘား၊ အင်ဒိုနီးရှား ကွန်မြူနစ်တွေဟာ နိုင်ငံခြားသွားပြီး လှုပ်ရှားရတာ ရှိပါတယ်။ ကျွန်တော်တို့ပါတီမှာလည်း ဒီအတွေ့အကြုံတွေ ရှိပါတယ်။ အရေးအကြီးဆုံးက ကိုယ့်တိုင်းပြည်နဲ့ ကိုယ့်တော်လှန်ရေးကို မမေ့ဖို့ပါ။ လုပ်စရာတွေ၊ လုပ်နိုင်တာတွေကို လုပ်ဖို့ပဲ လိုပါတယ်။ <br> <br>ပါတီရဲ့ပြင်ပက ရဲဘော်တွေဟာ ပါတီရဲ့ နည်းပရိယာယ်လမ်းစဉ်နဲ့ ခြေလှမ်းကိုသာ မြင်တွေ့ကြတာပါ။ ဒါကြောင့် ပါတီရဲ့ လမ်းစဉ်နဲ့ ခြေလှမ်းဟာ မှန်ကန်ဖို့ အရေးကြီးပါတယ်။ “လုပ်နိုင်တာကိုပဲပြောပြီး ပြောတာမှန်သမျှကိုလုပ် ” တဲ့ ပါတီဖြစ်ကြောင်းကို ထင်ရှားစေရပါမယ်။

• ST

  @StudyDesk-v6g · 11 days ago

  ကွန်မြူနစ်ချင်း ပေးစာ (၃) <br>ဇွန် ၂ဝဝဝ ခုနှစ် <br> <br>(၁) <br>ကွန်မြူနစ်အချင်းချင်းပေးစာ ဇန်/၂ဝဝဝ ဟာ တွေးခေါ်မြော်မြင်မှုဆိုင်ရာကိစ္စများကို ရေးရတာဖြစ်လို့ တစုံတရာ လွတ်လပ်ပါတယ်။ တွေးခေါ်မြော်မြင်မှုကိစ္စမှာ ကွန်မြူနစ်များဟာ မိမိရဲ့အမြင်များကို ဖုံးကွယ်ထားလေ့ မရှိပါ။ ဖုံးကွယ်စရာလည်း မလိုပါဘူး။ ရန်သူလူတန်းစားက သိသွားလို့လည်း ကိစ္စမရှိပါ။ သူ့ကို စိန်ခေါ်သလိုတောင် ဖြစ်ပါသေးတယ်။ ပါတီရဲ့ မိတ်ဆွေများကိုတော့ သိတောင်သိစေချင်ပါတယ်။ ကွန်မြူနစ်တွေရဲ့ မျက်မှောက်တွေးခေါ်မြော်မြင်မှုကို သူတို့ သိနေမှ ဘယ်ဟာမှာဖြင့် တူတယ်၊ ဘယ်ဟာတော့ နည်းနည်းကွဲတယ်၊ ဘယ်ဟာမှာတော့ သိသိသာသာကို ကွဲပြားတယ်ဆိုတာကို သူတို့သိပြီး ကျွန်တော်တို့နဲ့ ဆက်ဆံရေးကို ဆုံးဖြတ်နိုင်မှာပါ။ <br> <br>မတူတာ - ကွဲပြားတာဟာ ပြဿနာ မဟုတ်ပါဘူး။ အထူးသဖြင့် ဒီမိုကရေစီတော်လှန်ရေးကာလ (အဆင့်) မှာ ရှိကိုရှိသင့်တဲ့ကိစ္စပါ။ တူတာတွဲလုပ်မယ် – မတူတာခွဲလုပ်ကြမယ်ဆိုရင် အားတောင် ဖြစ်ပါသေးတယ်။ တူညီတဲ့ ရည်မှန်းချက်ပန်းတိုင်သို့ ခွဲပြီးချီတက်ကြတာဖြစ်လို့ တဦးနဲ့တဦး အဟန့်အတား မဖြစ်စေဘဲ ပိုတောင်ခရီးတွင်ပါလိမ့်မယ်။ ဗမာပြည်လွတ်လပ်ရေး ပန်းတိုင်ကို အဲဒီနည်းနဲ့ အရောက်လှမ်းခဲ့နိုင်တာပါ။ <br> <br>အခုတပတ် ညှိနှိုင်းမယ့်ကိစ္စက “စည်းရုံးရေးကိစ္စ”ဖြစ်ပါတယ်။ တွေးခေါ်မြော်မြင်မှုကို ရေးရသလို လွတ်လပ်လှမှာ မဟုတ်ပါ။ လျှို့ဝှက်ရေးကို ထိန်းသိမ်းပြီး ရေးရမှာ ဖြစ်ပါတယ်။ ဒါပေမဲ့ အမြင်ချင်း ညှိနှိုင်းကြရာမှာ ရှင်းလင်းစေဖို့နဲ့ သဘောကိုသိဖို့တော့ ဂရုပြုပါမယ်။ <br> <br>ဒီညှိနှိုင်းစာဟာ အနယ်နယ်အရပ်ရပ်မှ ရဲဘော်များရဲ့ ပေးစာများကို ပြန်ကြားခြင်းလည်း ဖြစ်ပါတယ်။ <br> <br>“စည်းရုံးရေးကိစ္စ”ကို ရေးရာမှာ ဖွဲ့စည်းရေးကိစ္စကို ဖယ်ထားပါတယ်။ စည်းရုံးရေးသက်သက် ရေးမှာပါ။ မိမိရဲ့ ရှိပြီးအင်အားစုကို အမျိုးမျိုး ကုလားဖန်ထိုး ဖွဲ့စည်းနေရုံနဲ့ ပါတီရဲ့ အတ္တဘာဝ အင်အားများ ကြီးထွားလာမှာ မဟုတ်ပါ။ ဖွဲ့စည်းရေးထက် စည်းရုံးရေးကို အလေးထားကြရမယ့် အချိန်လို့ ထင်ပါတယ်။ <br> <br>ပါတီရဲ့ နှစ် ၆ဝ နီးပါး ခရီးကြမ်းမှာ ပါတီဟာ မိမိကိုယ်မိမိ သွေးသစ်လောင်းပြီး ချီတက်နိုင်ရင် အောင်မြင်မှုရခဲ့ပြီး သွေးသစ်မလောင်းနိုင်ရင် ညှိုးချုံးပြီး ဆုံးရှုံးမှုတွေ ကြုံခဲ့ရပါတယ်။ သွေးသစ်လောင်းရာမှာ အရေအတွက်ထက် အရည်အချင်းကို အလေးထားရမယ် ဆိုတာကို သဘောတူပါတယ်။ အရည်အချင်း မပြည့်ဝဘဲ အရေအတွက်သာ ဖောင်းပွနေရင် ဘာကိုမှ ဖြစ်ဖြစ်မြောက်မြောက် ဆောင်ရွက်နိုင်မှာ မဟုတ်ပါ။