Audio Book සිංහලෙන්

10K subscribers

YouTube channel එකක් පටන්ගන්න අදහසක් හිත හිත ඉන්න අවස්ථාවක අහම්බෙන් වගේ, මම පන වගේ රකින මගෙ පොත් එකතුව දැක්කා. හැමදේම මිළ ගණන් ඉහළ යන කාලේ. කියවන්න පොතක් මිළදීලා ගන්න තියන අමාරුකම මට හොදටම දැනෙන නිසා, මගේ ළග තියන පොත් එකතුව Audio book එකක් විදිහට හැමෝමත් එක්ක බෙදාගන්න හිතුවා. ඉතිං මේක හරිම ආසාවෙන් කරන වැඩක්, මොකද ඔයාලට පොත් කියවන අතරේ මටත් නැවත වතාවක් ඔයාලත් එක්ක ඒ ඒ ලෝක වලට යන්න පුළුවන් වෙන එක හරිම කදිම වැඩක් කියලයි මට නම් හිතෙන්නේ. මගේ පොත් එකතුව ගැන ටිකක් කියුවොත්, මම පොඩිකාලේ ඉදලම හරිම පොත් පිස්සෙක්. ඉස්කෝලෙ යන කාලේ ඩෙස් එක යට තියාගෙන, උගන්නන වෙලාවට, අනන්තවත් පොත් කියවලා කියනවා. ලොකු උනාම මගෙම කියලා පුස්තකාලයක් හදාගන්න එක තමා ඒ කාලේ තිබ්බ ලොකුම හීනේ. ඉතිං ඒ හීනේ අනුව මගෙම කියලා, පොත් මිළ දීලා ගන්න පටන් ගත්තේ 2017 වසරේ ඉදලා. මොකද මගේ පළවෙන් රස්සාව මට හම්බෙන්නේ 2017 වසරේ. එදා ඉදලා මම හැම වැටුපටම පොතක් ගන්න පුරුදු වෙලා හිටියා. දැන් මට ලොකුවට නැතත් පොඩි පොත් එකතුවක් තියනවා. එන්න ඒ එකතුව මේ විදිහට ඔයාලා එක්ක බෙදාගන්නවා. මේ වැඩේ කරගෙන යන්න ඔයාලගෙ වටිනා අදහස් බලාපොරොත්තු වෙනවා.